January 1, 2026

Breaking News

ملکہ برطانیہ اپنے دور جوانی میں کس صدمے سے گزریں؟ |

اسٹیڈیم اپگریڈیشن منصوبوں سے کرکٹ انفراسٹرکچر کو نئی جہت ملی |

نئے سال کی آمد پر سوئزرلینڈ خون میں نہا گیا، خوفناک دھماکے سے 40 افراد ہلاک |

News

نئے سال کی آمد پر سوئزرلینڈ خون میں نہا گیا، خوفناک دھماکے سے 40 افراد ہلاک

Posted on جنوری 1, 2026 by admin

نئے سال کی آمد پر سوئزرلینڈ خون میں نہا گیا، خوفناک دھماکے سے 40 افراد ہلاک

دھماکے کے وقت بار میں 100 سے زائد افراد موجود تھے، دھماکے کی شدت سے قریبی عمارتوں کے شیشے ٹوٹ گئے

ویب ڈیسک
January 1, 2026

جنیوا: سوئزرلینڈ میں نئے سال کی تقریب کے دوران ایک زوردار دھماکہ ہوا ہے، جس کے نتیجے میں متعدد افراد کے ہلاک اور زخمی ہونے کی اطلاعات ہیں۔

غیر ملکی میڈیا رپورٹس کے مطابق کم از کم 10 افراد ہلاک ہو چکے ہیں، تاہم ہلاکتوں کی حتمی تعداد کی تصدیق کا عمل جاری ہے۔

پولیس حکام کا کہنا ہے کہ دھماکے کے وقت بار میں 100 سے زائد افراد موجود تھے، دھماکے کی شدت اتنی زیادہ تھی کہ قریبی عمارتوں کے شیشے ٹوٹ گئے۔

سوئس پولیس کے مطابق دھماکے کی نوعیت تاحال معلوم نہیں ہو سکی اور واقعے کی تحقیقات جاری ہیں۔ ہلاک افراد کی لاشوں اور زخمیوں کو فوری طور پر قریبی اسپتالوں میں منتقل کیا جا رہا ہے۔

غیر ملکی میڈیا کے مطابق ریسکیو ٹیمیں جائے وقوعہ پر پہنچ کر امدادی کارروائیاں کر رہی ہیں۔

رپورٹس کے مطابق دھماکہ جنیوا کے قریب سوئس اسکی ریزورٹ ٹاؤن کران مونٹانا میں ہوا، سوئس پولیس نے عوام سے افواہوں سے گریز کرنے اور سرکاری معلومات پر ہی انحصار کرنے کی اپیل کی ہے۔

جواب دیں جواب منسوخ کریں

Latest

ملکہ برطانیہ اپنے دور جوانی میں کس صدمے سے گزریں؟

جنوری 1, 2026ملکہ برطانیہ اپنے دور جوانی میں کس صدمے سے گزریں؟ ملکہ کمیلا نے کم عمری میں ہراسانی کے واقعے کا انکشاف کیا ویب ڈیسک January 1, 2026 برطانیہ کی ملکہ کمیلا نے انکشاف کیا ہے کہ انہیں کم عمری میں ایک اجنبی شخص کی جانب سے ہراسانی کا سامنا کرنا پڑا تھا۔ حال ہی میں ایک انٹرویو میں کمیلا نے بتایا کہ نوجوانی کے زمانے میں وہ ایک دن ٹرین میں سفر کررہی تھیں اور کتاب پڑھ رہی تھیں کہ اچانک ایک اجنبی شخص نے ان پر حملہ کیا۔ انہوں نے کہا کہ اس مشکل لمحے میں انہیں اپنی والدہ کی نصیحت یاد آئی، جس کی مدد سے انہوں نے حاضر دماغی کا مظاہرہ کیا، جوتا اتار کر حملہ آور کو دے مارا اور فوراً ٹرین سے اتر گئیں۔ ملکہ کمیلا کے مطابق ان کی عمر اس وقت تقریباً 16 یا 17 سال تھی اور یہ واقعہ کئی برسوں تک ان کے لیے ذہنی صدمے کا باعث رہا۔ انہوں نے مزید بتایا کہ جب بھی گھریلو تشدد یا ہراسانی کے موضوع پر بات ہوتی ہے، یہ واقعہ انہیں دوبارہ یاد آ جاتا ہے اور آج بھی انہیں پریشان کرتا ہے۔ [...] Read more...

ملکہ برطانیہ اپنے دور جوانی میں کس صدمے سے گزریں؟

اسٹیڈیم اپگریڈیشن منصوبوں سے کرکٹ انفراسٹرکچر کو نئی جہت ملی

جنوری 1, 20262025: اسٹیڈیم اپگریڈیشن منصوبوں سے کرکٹ انفراسٹرکچر کو نئی جہت ملی بڑے بین الاقوامی ایونٹس کی میزبانی کے لیے اسٹیڈیمز کی جامع تزئین و آرائش مکمل کی گئی ویب ڈیسک January 1, 2026 لاہور: سال 2025 میں پی سی بی کے اسٹیڈیم اپگریڈیشن منصوبوں نے ملک بھر میں کرکٹ کے بنیادی ڈھانچے کو جدید خطوط پر استوار کر دیا۔ چیئرمین پی سی بی محسن نقوی کے وژن کے تحت بڑے بین الاقوامی ایونٹس کی میزبانی کے لیے اسٹیڈیمز کی جامع تزئین و آرائش مکمل کی گئی۔ قذافی اسٹیڈیم لاہور کی ریکارڈ مدت میں ازسرِنو تعمیر مکمل کی گئی، جو آئی سی سی چیمپئنز ٹرافی سے قبل پایۂ تکمیل تک پہنچی۔ اس اپگریڈیشن میں جدید ڈریسنگ رومز، نئی انکلوژرز، بہتر داخلی راستے، جدید ایل ای ڈی فلڈ لائٹس، ڈیجیٹل اسکرینز اور براڈکاسٹ سہولیات میں نمایاں بہتری شامل ہے۔ مزید پڑھیں: لاہوریوں کا نیا ریکارڈ، پاک جنوبی افریقا میچ میں قذافی اسٹیڈیم ہاؤس فل چیمپئنز ٹرافی سے قبل قذافی اسٹیڈیم نے نیوزی لینڈ اور جنوبی افریقہ پر مشتمل ٹرائی سیریز کی کامیاب میزبانی بھی کی۔ کراچی کے نیشنل اسٹیڈیم میں ڈریسنگ رومز، ہاسپیٹیلٹی باکسز اور شائقین کی نشستوں کی اپ گریڈیشن مکمل کر لی گئی ہے، جبکہ اسٹیڈیم میں دوسرے مرحلے کے تعمیراتی کام کی بھی منظوری دے دی گئی ہے۔ راولپنڈی کرکٹ اسٹیڈیم میں کھلاڑیوں اور شائقین کے لیے اضافی سہولیات فراہم کی گئی ہیں۔ فیصل آباد کا اقبال اسٹیڈیم 17 سال بعد بین الاقوامی کرکٹ میں واپس آ گیا، جہاں جنوبی افریقہ کے خلاف ون ڈے انٹرنیشنل سیریز کی میزبانی کی گئی۔ پی سی بی نے مستقبل کے منصوبوں کے تحت مظفرآباد کو انٹرنیشنل کرکٹ سینٹر بنانے اور اسلام آباد میں جدید اسٹیڈیم کی تعمیر کا بھی اعلان کیا ہے، جس سے پاکستان میں کرکٹ کے روشن مستقبل کی توقع کی جا رہی ہے۔ [...] Read more...

نئے سال کی آمد پر سوئزرلینڈ خون میں نہا گیا، خوفناک دھماکے سے 40 افراد ہلاک

جنوری 1, 2026نئے سال کی آمد پر سوئزرلینڈ خون میں نہا گیا، خوفناک دھماکے سے 40 افراد ہلاک دھماکے کے وقت بار میں 100 سے زائد افراد موجود تھے، دھماکے کی شدت سے قریبی عمارتوں کے شیشے ٹوٹ گئے ویب ڈیسک January 1, 2026 جنیوا: سوئزرلینڈ میں نئے سال کی تقریب کے دوران ایک زوردار دھماکہ ہوا ہے، جس کے نتیجے میں متعدد افراد کے ہلاک اور زخمی ہونے کی اطلاعات ہیں۔ غیر ملکی میڈیا رپورٹس کے مطابق کم از کم 10 افراد ہلاک ہو چکے ہیں، تاہم ہلاکتوں کی حتمی تعداد کی تصدیق کا عمل جاری ہے۔ پولیس حکام کا کہنا ہے کہ دھماکے کے وقت بار میں 100 سے زائد افراد موجود تھے، دھماکے کی شدت اتنی زیادہ تھی کہ قریبی عمارتوں کے شیشے ٹوٹ گئے۔ سوئس پولیس کے مطابق دھماکے کی نوعیت تاحال معلوم نہیں ہو سکی اور واقعے کی تحقیقات جاری ہیں۔ ہلاک افراد کی لاشوں اور زخمیوں کو فوری طور پر قریبی اسپتالوں میں منتقل کیا جا رہا ہے۔ غیر ملکی میڈیا کے مطابق ریسکیو ٹیمیں جائے وقوعہ پر پہنچ کر امدادی کارروائیاں کر رہی ہیں۔ رپورٹس کے مطابق دھماکہ جنیوا کے قریب سوئس اسکی ریزورٹ ٹاؤن کران مونٹانا میں ہوا، سوئس پولیس نے عوام سے افواہوں سے گریز کرنے اور سرکاری معلومات پر ہی انحصار کرنے کی اپیل کی ہے۔ [...] Read more...

نئے سال کی آمد پر سوئزرلینڈ خون میں نہا گیا، خوفناک دھماکے سے 40 افراد ہلاک

کیلوں ایک ماہ تک تازہ رکھنے کا آسان سا طریقہ جانیں

جنوری 1, 2026کیلوں ایک ماہ تک تازہ رکھنے کا آسان سا طریقہ جانیں کیلوں کو دیگر پھلوں سے الگ رکھنا بھی بہتر ہے کیونکہ کچھ پھل زیادہ ایتھائلین گیس خارج کرتے ہیں جو کیلوں کے خراب ہونے کے عمل کو تیز کر دیتے ہیں۔ ویب ڈیسک January 1, 2026 کیلا دنیا میں سب سے زیادہ کھایا جانے والا ایک انتہائی صحت بخش پھل ہے، یہ زود ہضم ہونے کی وجہ سے بچوں کی پہلی ٹھوس اور بزرگوں کے لیے ایک بہترین غذا ہے۔ یہی وجہ ہے کہ ماہرین صحت کیلے کو روزانہ غذا میں شامل رکھنے کا مشورہ دیتے ہیں، تاہم صحت سے بھرپو اس پھل کو زیادہ تک تازہ نہیں رکھاجاسکتا ہے۔ کیلوں کا جلد نرم پڑنا اور سیاہ ہونا ایک عام مسئلہ ہے جو اکثر گھر میں لائے جانے کے بعد دیکھنے کو ملتا ہے۔ تاہم، ماہرین نے ایک ایسا سادہ لیکن مؤثر طریقہ بتایا ہے جس کی مدد سے کیلوں کو تقریباً ایک ماہ تک تازہ رکھا جا سکتا ہے، ماہرین کے مطابق، کیلوں کو زیادہ دیر تک تازہ رکھنے کے لیے ایک خاص طریقہ آزمایا جا سکتا ہے۔ یہ بھی پڑھیں: کیلا اسمودی کی افادیت کو کم کردیتا ہے، تحقیق میں اہم انکشاف ایک صاف برتن میں پانی لیں اور اس میں تقریباً ایک چمچ نمک ڈال کر اچھی طرح مکس کر لیں۔ کیلے کے پورے گچھے کو آہستگی سے اس نمکین پانی میں ڈبوئیں، خاص طور پر ڈنڈی والے حصے کو اچھی طرح صاف کریں کیونکہ یہی حصہ سب سے پہلے خراب ہوتا ہے۔ پانی سے نکالنے کے بعد، تولیے سے کیلوں کو اچھی طرح خشک کر لیں تاکہ ان کی قدرتی نمی برقرار رہے۔ یہ طریقہ کیوں مؤثر ہے؟ نمکین پانی کیلوں کے چھلکے پر موجود بیکٹیریا اور فنگس کی مقدار کو کم کرتا ہے، جس سے ان کے خراب ہونے کا عمل سست ہو جاتا ہے۔ نمک انزائمز کی سرگرمی کو کم کرتا ہے، جس کی وجہ سے کیلوں کے پکنے کا عمل دیر سے شروع ہوتا ہے اور وہ زیادہ دیر تک تازہ رہتے ہیں۔ اسی طرح گچھے کی ڈنڈی کو پلاسٹک ریپ یا ایلومینیم فوائل سے لپیٹنا بھی فائدہ مند ثابت ہوتا ہے۔ اس سے ایتھائلین گیس کے اخراج میں کمی آتی ہے، اور کیلوں کو زیادہ دیر تک تازہ رکھنے میں مدد ملتی ہے۔ کیلوں کو دیگر پھلوں سے الگ رکھنا بھی بہتر ہے کیونکہ کچھ پھل زیادہ ایتھائلین گیس خارج کرتے ہیں جو کیلوں کے خراب ہونے کے عمل کو تیز کر دیتے ہیں۔ اس سادہ طریقے کو آزما کر آپ بھی کیلوں کو ایک ماہ تک تازہ اور قابلِ استعمال رکھ سکتے ہیں۔ [...] Read more...

معاشی ترقی اور امن؛ پاکستان نے بھارت کو پیچھے چھوڑ دیا، گلوبل اکنامک گیلپ سروے

جنوری 1, 2026معاشی ترقی اور امن؛ پاکستان نے بھارت کو پیچھے چھوڑ دیا، گلوبل اکنامک گیلپ سروے پاکستان نے 2026 کے آغاز پر اقتصادی اور امن کے حوالے سے بہتر کارکردگی دکھائی ہے سلمان علی اعوان January 1, 2026 گلوبل اکنامک گیلپ سروے کے تازہ ترین اعداد و شمار کے مطابق پاکستان نے بھارت پر واضح برتری حاصل کرلی۔ سروے کے مطابق پاکستان نے 2026 کے آغاز پر اقتصادی اور امن کے حوالے سے بہتر کارکردگی دکھائی ہے، پاکستان بھارت اور عالمی اوسط دونوں سے آگے رہا ہے۔ گلوبل اکناک گیلپ سروے کو 60 ممالک میں کیا گیا، پاکستان میں 51 فیصد لوگ آنے والے سال کے بارے میں پُرامید ہیں جبکہ مجموعی طور پر 31 فیصد کا نیٹ مثبت رجحان بنتا ہے۔ سروے میں بتایا گیا کہ اقتصادی حوالے سے 53 فیصد پاکستانی 2026 کو خوشحالی کا سال سمجھتے ہیں، پرامید پاکستانیوں کی شرح بھارت کے 39 فیصد سے کہیں زیادہ ہے، یہ عالمی اوسط 24 فیصد سے بھی نمایاں طور پر بلند ہے، امن کے حوالے سے بھی پاکستان نے بہتر کارکردگی دکھائی ہے، 52 فیصد پاکستانیوں کو امید ہے کہ دنیا میں امن بڑھے گا، امن کے حوالے سے بھارت میں یہ شرح صرف 26 فیصد ہے۔ گلوبل اکنامک گیلپ سروے کے مطابق یہ سطح پاکستان میں 1994 کے بعد ریکارڈ کی گئی امیدوں میں سے ایک بلند ترین سطح ہے، خصوصی طور پر یہ رجحان 1990 کی دہائی کے آخر اور 2010 کی دہائی کے وسط میں دیکھا گیا تھا۔ سروے میں کہا گیا کہ پاکستان نے عالمی سطح پر تین اہم پیمانوں میں اوسط سے بہتر کارکردگی دکھائی ہے، ان پیمانوں میں مجموعی امید، اقتصادی خوشحالی اور امن کی توقع شامل ہیں۔ گلوبل اکنامک گیلپ سروے کے مطابق پاکستان نے ان میں سے دو پیمانوں میں بھارت پر سبقت حاصل کی ہے، تیجتاً غیر یقینی عالمی ماحول کے باوجود پاکستانی عوام 2026 کے حوالے سے پُراعتماد اور پُرامید ہیں۔ گلوبل اکنامک گیلپ سروے معاشی ترقی اور عالمی امن کے بارے میں عالمی اور علاقائی ہم منصبوں سے بہتر تصویر پیش کرتا ہے۔ [...] Read more...

گلوکار سلیم جاوید نے نئے سال پر اپنے مداحوں کو کیا تحفہ دیا؟

جنوری 1, 2026گلوکار سلیم جاوید نے نئے سال پر اپنے مداحوں کو کیا تحفہ دیا؟ سلیم جاوید نے نئے سال کے موقع پر اپنے مداحوں کو ایک خاص تحفہ دے دیا ویب ڈیسک January 1, 2026 لوک گیت “جگنی” کے ذریعے عالمی شہرت حاصل کرنے والے ماضی کے مقبول گلوکار سلیم جاوید نے نئے سال کے موقع پر اپنے مداحوں کو ایک خاص تحفہ دے دیا ہے۔ انہوں نے اپنے ایک مقبول بلوچی گانے کو نئی دھن، جدید انداز اور تازہ موسیقی کے رنگ میں دوبارہ پیش کیا ہے، جو سوشل میڈیا پر تیزی سے مقبول ہو رہا ہے۔ نئے گیت کو شائقینِ موسیقی کی جانب سے بھرپور پذیرائی مل رہی ہے، جہاں صارفین نہ صرف اسے شیئر کر رہے ہیں بلکہ اس کی دھن، منفرد انداز اور ثقافتی رنگ کو بھی سراہا جا رہا ہے۔ سلیم جاوید نے اس ریلیز کو اپنے مداحوں کے لیے نئے سال کا خصوصی تحفہ قرار دیا ہے۔ یہ نیا بلوچی گیت سلیم جاوید کے فن اور بلوچی موسیقی سے ان کے دیرینہ تعلق کی عکاسی کرتا ہے۔ قابلِ ذکر ہے کہ تقریباً 4 دہائیاں قبل ریلیز ہونے والا ان کا پہلا البم بھی ایک بلوچی گیت کی بدولت غیر معمولی کامیابی سے ہمکنار ہوا تھا۔ تازہ ریلیز میں سلیم جاوید ایک بار پھر بلوچی لوک دھنوں کی جانب لوٹے ہیں، تاہم اس بار جدید موسیقی کے عناصر کے ساتھ، جو نوجوان نسل کو بھی اپنی جانب متوجہ کر رہے ہیں۔ گیت کی ویڈیو میں جدید بصری انداز، نئی کہانی اور نوجوانوں کی پسند کے مطابق عناصر شامل کیے گئے ہیں جبکہ بلوچی لوک موسیقی کی اصل روح کو مکمل طور پر برقرار رکھا گیا ہے۔ سلیم جاوید کا کہنا ہے کہ اگر روایتی موسیقی کو تخلیقی انداز میں پیش کیا جائے تو وہ ہر دور میں زندہ رہتی ہے۔ واضح رہے کہ سلیم جاوید کو عالمی سطح پر پہچان دلانے والا لوک گیت “جگنی” آج بھی ان کی شناخت سمجھا جاتا ہے اور وہ پاکستان میں ریمکس موسیقی کو متعارف کرانے والے اولین فنکاروں میں شمار ہوتے ہیں۔ [...] Read more...

سال نو پر کراچی کے مختلف علاقوں میں ہوائی فائرنگ سے 22 افراد زخمی

جنوری 1, 2026سال نو پر کراچی کے مختلف علاقوں میں ہوائی فائرنگ سے 22 افراد زخمی شہر کے مختلف علاقوں میں ہوائی فائرنگ کے خلاف کریک ڈاؤن خرم گلزار January 1, 2026 کراچی میں نئے سال کی خوشی کے نام پر ہوائی فائرنگ کے واقعات میں اضافہ دیکھنے میں آیا ہے۔ سال نو کے موقع پر کراچی میں پولیس کی بھرپور انسدادی مہم کے باوجود مختلف علاقوں میں شدید ہوائی فائرنگ کے باعث گولیاں لگنے سے خواتین اور بچوں سمیت 22 افراد زخمی ہوگئے، جنہیں مختلف اسپتالوں میں طبی امداد دی جا رہی ہے۔ پولیس حکام کے مطابق شہر کے مختلف علاقوں میں ہوائی فائرنگ کے خلاف کریک ڈاؤن کیا گیا، جس کے دوران مجموعی طور پر 41 ملزمان کو گرفتار کر لیا گیا۔ ابتدائی کارروائی میں 30 افراد کو حراست میں لیا گیا تھا، بعد ازاں مختلف اضلاع میں مزید گرفتاریاں عمل میں آئیں۔ پولیس کے مطابق ڈسٹرکٹ سینٹرل سے ہوائی فائرنگ میں ملوث 19 ملزمان گرفتار کیے گئے جبکہ ڈسٹرکٹ سٹی پولیس نے 3 ملزمان کو حراست میں لیا۔ اس کے علاوہ ضلع ملیر سے 5 ملزمان گرفتار کیے گئے، ڈسٹرکٹ ایسٹ میں 7 ملزمان قانون کی گرفت میں آئے جبکہ کورنگی سے 2، ویسٹ سے 3 اور کیماڑی ڈسٹرکٹ سے 2 ملزمان گرفتار کیے گئے۔ پولیس حکام کا کہنا ہے کہ ہوائی فائرنگ جان لیوا جرم ہے اور اس کے خلاف زیرو ٹالرنس پالیسی اپنائی جا رہی ہے۔ شہریوں سے اپیل کی گئی ہے کہ خوشیوں کے مواقع پر قانون کی پاسداری کریں اور کسی کی جان خطرے میں نہ ڈالیں۔ [...] Read more...

اگلے محاذوں پر تعینات پاک فوج کے بہادر جوانوں کا سال نو پر قوم کے نام اہم پیغام

جنوری 1, 2026لائن آف کنٹرول کے اگلے محاذوں پر تعینات پاک فوج کے بہادر جوانوں نے نئے سال کی آمد پر قوم کے نام جرأت، قربانی اور وطن سے غیر متزلزل محبت سے بھرپور پیغام جاری کیا ہے۔ فوجی جوانوں نے کہا کہ شدید سردی، برفانی موسم اور دشوار گزار جغرافیہ بھی اُن کے حوصلے پست نہیں کر سکتے۔ پیغام میں جوانوں کا کہنا تھا کہ وہ اپنے گھروں اور اہلِ خانہ سے دور، برف میں مورچوں پر کھڑے ہو کر وطنِ عزیز کی حفاظت کو اپنا اولین فرض سمجھتے ہیں۔ پاک فوج کے جوانوں نے واضح کیا کہ سرحدوں پر افواجِ پاکستان کی موجودگی ہی قوم کے اطمینان اور سلامتی کی ضمانت ہے۔ فوجی جوانوں نے دشمن کو دوٹوک پیغام دیتے ہوئے کہا کہ کسی بھی دشمن کو سرحد پار سے میلی آنکھ سے دیکھنے کی اجازت نہیں دی جائے گی۔ انہوں نے کہا کہ معرکۂ حق کی کامیابی اس بات کا واضح ثبوت ہے کہ افواجِ پاکستان متحد ہو کر دشمن کے عزائم ناکام بنانے کی مکمل صلاحیت رکھتی ہیں۔ پیغام کے اختتام پر کہا گیا کہ افواجِ پاکستان کے تمام جوان شب و روز وطنِ عزیز کی خاطر اپنی پیشہ ورانہ ذمہ داریاں انتہائی جرأت اور فرض شناسی کے ساتھ انجام دے رہے ہیں۔ [...] Read more...

2025؛ ٹیلی کام صارفین کی تعداد میں بڑا اضافہ ریکارڈ

جنوری 1, 20262025؛ ٹیلی کام صارفین کی تعداد میں بڑا اضافہ ریکارڈ ٹیلی کام کوریج اب ملک کے 92 فیصد حصے تک پہنچ چکی ہے اور براڈبینڈ پینی ٹریشن 60 فیصد سے زائد ہوگئی۔ ملک سعید اعوان December 31, 2025 اسلام آباد: پاکستان ٹیلی کمیونیکیشن اتھارٹی (پی ٹی اے) کے مطابق سال 2025 کے دوران ٹیلی کام صارفین کی تعداد میں بڑا اضافہ ریکارڈ کیا گیا ہے۔ پی ٹی اے نے سالانہ رپورٹ 2024–25 جاری کردی ہے جس میں ملک کے ٹیلی کام شعبے کی کارکردگی، صارفین کی تعداد، آمدن، سرمایہ کاری اور ڈیجیٹل معیشت کے فروغ کے حوالے سے تفصیلی معلومات پیش کی گئی ہیں۔ رپورٹ کے مطابق پاکستان میں ٹیلی کام صارفین کی تعداد 20 کروڑ سے تجاوز کرگئی ہے جب کہ براڈبینڈ کنکشنز کی تعداد 15 کروڑ سے زائد ہوگئی ہے۔ ٹیلی کام کوریج اب ملک کے 92 فیصد حصے تک پہنچ چکی ہے اور براڈبینڈ پینی ٹریشن 60 فیصد سے زائد ہوگئی ہے۔ ٹیلی کام شعبے کی مجموعی آمدن ایک کھرب روپے سے بڑھ گئی ہے جس میں سالانہ بنیاد پر 12 فیصد اضافہ ریکارڈ کیا گیا۔ اس شعبے کی قومی خزانے میں شراکت 402 ارب روپے تک پہنچ گئی۔ سرمایہ کاری میں بھی 9 فیصد اضافہ ہوا اور یہ 838 ملین ڈالر تک جاپہنچی۔ رپورٹ میں مزید بتایا گیا کہ 2025 میں ملک میں ڈیٹا استعمال کا حجم 27 ہزار 727 پیٹا بائٹس تک پہنچ گیا۔ 95 فیصد سے زائد سیلولر نیٹ ورکس اب 4 جی پر منتقل ہوچکے ہیں اور پاکستان میں بین الاقوامی بینڈوتھ 17.21 ٹی بی پی ایس تک دستیاب ہے۔ علاقائی رابطے کو بہتر بنانے کے لیے چار نئی سب میرین کیبلز شامل کی جا رہی ہیں اور آزاد کشمیر و گلگت بلتستان میں ٹیلی کام انفراسٹرکچر کی توسیع کی گئی ہے۔ رپورٹ میں یہ بھی بتایا گیا کہ 95 فیصد سے زائد موبائل فونز اب مقامی سطح پر تیار کیے جارہے ہیں جن میں 68 فیصد اسمارٹ فونز شامل ہیں۔ صارفین کی شکایات میں 13 فیصد کمی ریکارڈ کی گئی ہے ج بکہ پاکستان کی سائبر سیکیورٹی میں عالمی درجہ بندی میں بھی بہتری آئی ہے۔ پی ٹی اے نے اپنے بیان میں فائیو جی اور ڈیجیٹل معیشت کے فروغ کے عزم کو دوبارہ دہرایا اور کہا کہ ملک بھر میں ٹیلی کام انفراسٹرکچر اور ڈیجیٹل سہولیات کو مزید وسعت دینے کے اقدامات جاری رہیں گے۔ [...] Read more...

پاکستان اسٹاک ایکسچینج 2025 میں تاریخ ساز بلندیوں پر پہنچ گئی

جنوری 1, 2026پاکستان اسٹاک ایکسچینج نے 2025 میں تاریخ ساز بلندیوں کو چھوا اور سرمایہ کاروں کو 52 فیصد کا ریٹرن دیا۔ حکومت کی پالیسیوں کے پیش نظر سرمایہ کاروں کا اعتماد بحال کرنے میں کامیاب ہوا اور رواں سال اسٹاک مارکیٹ میں 57 ہزار پوائنٹس کا اضافہ ریکارڈ کیا گیا جب کہ بیکنگ سیکٹر، ائل اینڈ گیس سیکٹر اور فرٹیلائزر ٹاپ سیکٹر رہے۔ سال 2025 اپنے اختتام کو پہنچ گیا ملکی مسائل اپنی جگہ تاہم معیشت کی بہتری کے لیے پاکستان اسٹاک ایکسچینج کے لیے بہترین سال ثابت ہوا۔ اسٹاک مارکیٹ نا صرف نئے ریکارڈز قائم ہوئے اکاؤنٹس ہولڈرز کی تعداد میں بھی نمایاں اضافہ ہوا۔ اس سال سرمایہ کاروں نے بھی کھل کر سرمایہ کاری کی اور بہترین منافع کمایا، سال 2025 کے پہلے روز ہنڈریڈ انڈیکس 1 لاکھ 17 ہزار 8 پوائنٹس پر تھا جو سال کے اختتام پر 1 لاکھ 75 ہزار کی سطح عبور کرگیا جب کہ اسٹاک مارکیٹ میں اس سال 58 ہزار پوائنٹس کا اضافہ ریکارڈ کیا گیا۔ اگر بات کی جائے مارچ 2025 کی تو اسٹاک مارکیٹ کا انڈیکس 1 لاکھ 20 ہزار کی بلند سطح کو چھوا۔ جون کے مہینے میں انڈیکس نے ایک لاکھ 25 ہزار کی حد عبور کی اور وہیں اس سال 1 لاکھ 50 ہزار کی سطح کو عبور کرنے کامیاب ہوا تو ستمبر میں انڈیکس پہلی بار 1 لاکھ 63 ہزار کے ہندسے کو عبور کرگیا۔ اسٹاک ایکسچینج کی مجموعی کارکردگی پر نظر ڈالتے ہوئے ڈائریکٹر اسٹاک ایکسچینج احمد چنائے نے بول نیوز سے گفتگو میں کہا کہ موجودہ حکومت کی مثبت پالیسیوں کے سبب معیشت میں بہتری آنے کے ساتھ ساتھ اسٹاک مارکیٹ نے سال میں بہترین کار کردگی کا مظاہرہ کیا ہے۔ انہوں نے بتایا کہ ہنڈریڈ انڈیکس ایک لاکھ 75 ہزار کی سطح عبور کرگیا، وہیں بین القوامی اور مقامی سرمایہ کاروں کا اعتماد زبردست بحال ہوا ہے۔ انہوں نے اپنی گفتگو میں یہ بھی بتایا کہ کچھ مہینے ایسے بھی تھے جن میں مارکیٹ نے بہتر پرفارم نہیں کیا لیکن حالیہ بھارت کے ساتھ جنگ میں پاک فوج کی بہتریں فتح نے ناصرف پاکستان میں بلکہ دنیا بھر میں پاکستان کے وقار میں اضافہ اور دفاع کو مضبوط کیا۔ ان کا کہنا تھا کہ یہی وجہ اسٹاک مارکیٹ میں سرمایہ کاروں کے اعتماد کو بڑھاوا دینے میں بہت معاون ثابت ہوئی۔ دنیا بھر میں پاکستانی کارکردگی کو سراہا گیا بلکہ غیر ملکی کمپنیوں نے بھی اعتماد کا اظہار کیا۔ احمد چنائے نے اس بات پر زور دیا کہ گزشتہ برس افراط زر بلند سطح پر تھا تاہم نمایاں کمی کے بعد شرح سود بھی ساڑھے 10 فیصد کی شرح پر ہے اور توقع ہے کہ اس میں مزید کمی ہوگی جس سے اسٹاک مارکیٹ کے سرمایہ کاروں کا اعتماد مزید بحال ہوگا اور انڈیکس آئندہ سال 2026 میں 2 لاکھ کے ہندسے کو عبور کرلے گا۔ انہوں نے مزید کہا کہ اگر پورے سال کا جائزہ لیا جائے تو کمرشل بینکس ٹاپ پرفارمنگ سیکٹر میں رہا جب کہ آئل اینڈ گیس فرٹیلائزرز سیمنٹ اور انرجی سیکٹر میں بھی تیزی دیکھنے میں ائی۔ ڈارسن سیکیورٹیز کے پورٹ فولیو مینیجر شہریار بٹ نے مارکیٹ کا تجزیہ کچھ اس طرح کیا ہے کہ اسٹاک مارکیٹ بلندیوں کی جانب ہے کبھی گراوٹ اور تیزی مارکیٹ کا حسن ہوتی ہے تاہم اس سال مارکیٹ کے سب سے اٹریکٹو ہنڈریڈ انڈیکس میں زبردست اضافہ دیکھنے میں آیا گو کہ مارکیٹ گراوٹ سے دوچار بھی ہوئی تاہم مارکیٹ فنڈا مینٹل بہت مضبوط ہے اسی لئیے انڈیکس 1 لاکھ 75 ہزار کی سطح بھی عبور کرگیا۔ شہریار بٹ کے مطابق 2025 میں اسٹاک ایکسچینج میں 60 ہزار نئے اکاؤنٹس کھولے گئے، صرف اگر نومبر کی ہی کی بات کی جائے تو سب سے زیادہ اکاؤنٹس اس مہینے میں اوپن کئے گئے اب اکاؤنٹس کی تعداد 4 لاکھ 50 ہزار کے قریب ہوگئی ہے۔ انہوں نے کہا کہ آئی ایم ایف پروگرام میں رہتے ہوئے حکومت کو اصلاحاتی پروگرام کو بہت بہتر کرنا ہوگا کیونکہ اصلاحات ہی ملکی معیشت اور اسٹاک ایکسچینج کی کارکردگی میں مزید بہتری لائیں گی۔ شہریار بٹ کے مطابق شرح سود اب بھی پاکستان میں زیادہ ہے اسے کم سطح پر لایا جائے گا تو اسٹاک مارکیٹ میں سرمایہ آئے گا اور مارکیٹ بہترین کارکردگی کے ساتھ ساتھ نت نئے ریکارڈز بنانے میں کامیاب ہوگی۔ سال 2025 کے اگر اہم سیکٹر پر نظر ڈالیں تو آئل اینڈ گیس واضح بہتری دکھائی دیتی ہے۔ شہریار بٹ کے مطابق ریکوڈک منصوبے میں ڈیولپمنٹ کی خبروں نے اس کے حصص میں اضافہ کیا، 30 فیصد زائد کا ریٹرن دیا سرکلر ڈیبٹ کے مسائل کے حل بھی حکومتی اقدامات خاصے حوصلہ افزا رہے ہیں، اسٹاک مارکیٹ میں آئل اینڈ گیس سیکٹر میں او جی ڈی سی ایل کی مالیت 5 ارب ڈالرز کے قریب ہے۔ ان کا مزید کہنا تھا کہ اب اگر فرٹیلائزرز سیکٹر پر نظر دوڑائیں تو اس سال اچھی کارکردگی رہی، ایف ایف سی کا اسٹاکس 314 روہے 614 روہے تک پہنچ گیا۔ شہریار بٹ کہتے ہیں سال 2025 میں سیمنٹ سیکٹر میں صورتحال ملی جلی رہی ہے، سیمنٹ کی فروخت مستحکم رہی ہے جب کہ سیمنٹ سیکٹر کو عالمی سطح پر کوئلے کی قیمتیں کم ہونے سے بڑا فائدہ ہوا اور قیمت 130 ڈالرز سے کم ہوکر 90 ڈالرز تک آگئیں۔ انہوں نے بتایا کہ لکی سیمنٹ اس سال موبائل کی صنعت سے وابستہ ہوئے ہیں اور کچھ کمپنیاں انرجی کی بچت کرتے ہوئے اب سولر پر منتقل ہورہی ہیں۔ اب بات کرتے ہیں آٹو سیکٹر کی کارکردگی اس سال بہت اچھی رہی ہے آٹو فنانسنگ بڑھ گئی ہے انڈس کے اسٹاکس 1685 سے بڑھ کر 2430 تک پہنچ گئے ہیں۔ شہریار بٹ نے بتایا کہ بینکنگ سیکٹر اس سال بہترین کارکردگی رہی ہے اور بینکوں کی جانب سے کار فنانسنگ اچھی رہی ہے۔ بینکوں نے اپنی حکمت عملی تبدیل کرتے ہوئے حکومت کو قرضہ دیے جس سے آکاؤنٹس سیونگ میں اضافہ ہوا اور ڈپازٹس بھی بڑھ گئے ہیں۔ ماہرین کے مطابق سال 2025 کے اپریل میں سب سے بڑی گراوٹ 6480 پوائنٹس کی دیکھنے میں آئی اور اس سال میں 5892 کی تیزی بھی دیکھنے میں آئی۔اس سال اسٹاک ایکسچینج میں 6 نئی کمپنیوں کا آئی پی او ہوا۔ اگر اسٹاک مارکیٹ کی کیپٹلائشیشن پر نظر ڈالیں تو 5566 ارب کا اضافہ ہوا اور حصص بازار کا حجم 14٫126 ارب سے بڑھ کر 19٫682 ارب ہوگیا ہے۔ ماہرین بتاتے ہیں کہ اسٹاک ایکسچینج میں اس سال ایک ارب ڈالرز مالیت کی کمپنیوں کی تعداد 18 ہوگئی جب کہ سال 2023 میں ایک ارب ڈالرز مالیت کی کمپنیوں کی تعداد صرف 3 تھی۔ سال 2025 میں اسٹاک مارکیٹ میں سرمایہ کاروں میں نمو 37 فیصد رہی اور ڈالر میں مالیت 42 فیصد بڑھی ہے۔ ایک سال میں اسٹاک مارکیٹ کی ڈالر مالیت 11 ارب ڈالرز کا اضافہ ہوا اور 55 ارب ڈالرز سے بڑھ کر 66 ارب ڈالرز تک پہنچ گئی ہے۔ سال 2025 کے آخری کاروباری دن میں انڈیکس نے تاریخی ریکارڈ 1 لاکھ 75 ہزار 232 کی سطح پر ٹریڈ ہوا پرافٹ ٹیکنگ کے باعث کاروبار کا اختتام 418 پوائنٹس کی کمی سے 1 لاکھ 74 ہزار 54 پوائنٹس پر بند ہوا۔ [...] Read more...