ایشز سیریز، تیسرے دن کے اختتام پر آسٹریلیا کو انگلینڈ پر 134 رنز کی برتری
آسٹریلیا کی جانب سے اوپنر ٹریوس ہیڈ نے 163 رنز کی شاندار اننگز کھیلی، جبکہ کپتان اسٹیون اسمتھ 129 رنز کے ساتھ ناٹ آؤٹ ہیں
-
ویب ڈیسک -
January 6, 2026
سڈنی: ایشز سیریز کے پانچویں ٹیسٹ میچ کے تیسرے دن کے اختتام پر آسٹریلیا کو انگلینڈ پر 134 رنز کی برتری حاصل ہوگئی ہے۔
انگلینڈ کی ٹیم اپنی پہلی اننگز 384 رنز پر مکمل کر کے آؤٹ ہوئی تھی، اس طرح دوسرے روز کے اختتام پر انگلینڈ کو آسٹریلیا پر 218 رنز کی برتری حاصل تھی، جو آسٹریلیا نے تیسرے روز اپنی بالادستی میں تبدیل کردی ہے۔
آسٹریلیا نے دوسرے دن انگلینڈ کو 384 رنز پر آؤٹ کرنے کے بعد اپنی بیٹنگ شروع کی اور دن کے اختتام تک 2 وکٹوں کے نقصان پر 166 رنز بنائے۔
آسٹریلیا نے تیسرے دن اپنی اننگز میں مزید 352 رنز کا اضافہ کیا اور مجموعی طور پر اسکور 518 تک پہنچادیا، اور یوں انگلینڈ پر 134 رنز کی برتری حاصل کرلی۔
تیسرے دن آسٹریلیا کو مزید 5 وکٹوں کے محروم ہونا پڑا، اس طرح آسٹریلیا نے تیسرے روز کے اختتام پر 7 وکٹوں کے نقصان پر 518 رنز بنائے۔
آسٹریلیا کی جانب سے اوپنر ٹریوس ہیڈ نے 163 رنز کی شاندار اننگز کھیلی، جبکہ کپتان اسٹیون اسمتھ 129 رنز کے ساتھ ناٹ آؤٹ ہیں، ان کے علاوہ مارنوس 48 رنز بنا کر نمایاں رہے، جبکہ ویبسٹر 42 رنز کے ساتھ کریز پر موجود ہیں۔
انگلینڈ کی جانب سے بریڈن 3 اور بین اسٹوکس 2 وکٹیں حاصل کرکے نمایاں بالر ثابت ہوئے ہیں، جبکہ جوش اور بیتھل نے ایک، ایک وکٹ حاصل کی ہے۔
آسٹریلیا کی ٹیم مجموعی طور پر 7 وکٹوں کے نقصان پر 518 رنز بنا چکی ہے، اس طرح آسٹریلیا کو اس وقت انگلینڈ پر 134 رنز کی برتری حاصل ہے۔
انگلینڈ کی جانب سے جوروٹ نے سب سے شاندار کارکردگی کا مظاہرہ کیا اور 160 رنز بنا کر اپنی 41 ویں سنچری مکمل کی، ہیری بروک نے بھی شاندار بیٹنگ کرتے ہوئے 84 رنز بنا کر جوروٹ کو بھرپور ساتھ دیا۔
جو روٹ نے اپنی 41 ویں ٹیسٹ سنچری مکمل کرتے ہوئے 160 رنز کی شاندار اننگز کھیلی، جبکہ آسٹریلیا کے بولرز میں مائیکل نیسر سب سے مؤثر رہے۔
بولنگ میں آسٹریلیا کے مائیکل نیسر نے بہترین کارکردگی کا مظاہرہ کرتے ہوئے 4 وکٹیں حاصل کیں، جبکہ مچل اسٹارک اور اسکاٹ بولینڈ نے 2، 2 وکٹیں لے کر انگلش بیٹنگ لائن کو قابو میں رکھا۔
