فیلڈ مارشل سید عاصم منیر سے اردن کے چیئرمین جوائنٹ چیفس آف اسٹاف کی ملاقات، دفاعی تعاون بڑھانے پر اتفاق
فیلڈ مارشل سید عاصم منیر سے اردن کے چیئرمین جوائنٹ چیفس آف اسٹاف کی ملاقات، دفاعی تعاون بڑھانے پر اتفاق
اردنی فوجی قیادت نے پاکستان کی مسلح افواج کی پیشہ ورانہ مہارت کو سراہا۔
-
ویب ڈیسک -
December 26, 2025
اردن کی مسلح افواج کے چیئرمین جوائنٹ چیفس آف اسٹاف میجر جنرل یوسف احمد اے الحنیتی نے جی ایچ کیو راولپنڈی میں آرمی چیف و چیف آف ڈیفنس فورسز، فیلڈ مارشل سید عاصم منیر سے ملاقات کی۔
آئی ایس پی آر کے مطابق ملاقات کے دوران باہمی دلچسپی کے امور، خطے کی بدلتی ہوئی سیکیورٹی صورتحال اور دوطرفہ دفاعی و عسکری تعاون کو مزید فروغ دینے کے امکانات پر تفصیلی تبادلہ خیال کیا گیا۔
اردنی فوجی قیادت نے پاکستان کی مسلح افواج کی پیشہ ورانہ مہارت اور خطے میں امن و استحکام کے لئے ان کے کردار کو سراہا۔
اس موقع پر فیلڈ مارشل سید عاصم منیر نے پاکستان اور اردن کی مسلح افواج کے درمیان دفاعی تعلقات کو مزید مستحکم بنانے کے عزم کا اعادہ کیا اور بدلتے ہوئے سیکیورٹی چیلنجز سے نمٹنے کے لئے مشترکہ کوششوں کی اہمیت پر زور دیا، دونوں ممالک نے عسکری سطح پر روابط اور تعاون کو مزید وسعت دینے کے عزم کا اظہار کیا۔