شہر قائد میں موسم خشک، خنک اور فضاگردآلود رہنے کا امکان
کراچی میں اس وقت شمال مشرقی ہوائیں 4 کلومیٹر فی گھنٹہ کی رفتار سے چل رہی ہیں
-
مریم حسن -
December 21, 2025
شہر قائد میں رات اور صبح کے اوقات میں موسم سرد رہنے کے ساتھ دھند چھائی ہوئی ہے، تاہم دن بدستور گرم رہنے کا امکان ہے۔
محکمہ موسمیات کے مطابق کراچی کا موجودہ درجہ حرارت 20 سے 22 ڈگری سینٹی گریڈ ریکارڈ کیا گیا، جبکہ ہوا میں نمی کا تناسب 82 فیصد ہے۔
یہ بھی پڑھیں: شہر قائد میں سردیوں کے حوالے سے اہم پیش گوئی سامنے آگئی
شہر قائد میں آج کم سے کم درجہ حرارت 17 ڈگری سینٹی گریڈ کیا گیا، جبکہ زیادہ سے زیادہ درجہ حرارت 28 سے 30 ڈگری تک رہنے کا امکان ہے۔
محکمہ موسمیات کا کہنا ہے کہ کراچی میں اس وقت شمال مشرقی ہوائیں 4 کلومیٹر فی گھنٹہ کی رفتار سے چل رہی ہیں۔
