December 31, 2025

Breaking News

سال نو پر منچلوں کے سدباب کیلیے شہر قائد میں ٹریفک پولیس کا جامع پلان جاری |

2025؛ پاور ڈویژن کی کارکردگی رپورٹ، تاریخی ریلیف اور 3400 ارب کا بوجھ ختم |

بنگلہ دیش کی سابق وزیرِاعظم خالدہ ضیا کی نماز جنازہ ادا، پاکستانی وفد بھی شریک |

دنیا کا پہلا دانتوں کو ازخود صاف کرنے والا روبوٹ تیار |

نادرا کا موبائل ایپ اور چہرے کی شناخت کے ذریعے تصدیق کی نئی سہولت کا آغاز |

Author: admin

News

اسلامک سولیڈیریٹی گیمز ریاض 2025 کی افتتاحی تقریب 7 نومبر کو ہوگی

ریاض (اختر نیوز)اسلامک سولیڈیریٹی گیمز ریاض 2025 کی افتتاحی تقریب 7 نومبر کو ہوگی اور 21 نومبر کو اختتامی تقریب

by admin

1 Minute

News

راولپنڈی میں غیرقانونی مقیم افغان شہریوں کے خلاف مقدمات کا اندراج

راولپنڈی(اختر نیوز) راولپنڈی میں غیرقانونی مقیم افغان شہریوں کے خلاف مقدمات کا اندراج شروع ہوگیا۔افغان شہریوں کو پناہ دینے والے

by admin

1 Minute

News

ترکیہ کی درخواست، پاکستان طالبان سے مذاکرات دوبارہ شروع کرنے پر رضامند

استنبول (اے ایف بی) پاکستان میزبان ملک ترکیہ کی درخواست پر افغان طالبان سے مذاکرات دوبارہ شروع کرنے پر رضامند

by admin

1 Minute

Latest

سال نو پر منچلوں کے سدباب کیلیے شہر قائد میں ٹریفک پولیس کا جامع پلان جاری

دسمبر 31, 2025سال نو پر منچلوں کے سدباب کیلیے شہر قائد میں ٹریفک پولیس کا جامع پلان جاری تمام ہیوی ٹریفک کو رات 2 بجے کے بعد شہر میں داخل ہونے کی اجازت دی جائے گی ویب ڈیسک December 31, 2025 سالِ نو کی تقریبات کے موقع پر سی ویو کا رخ کرنے والے شہریوں کی سہولت اور ٹریفک کے مؤثر انتظام کیلئے کراچی ٹریفک پولیس نے خصوصی انتظامات مکمل کر لیے ہیں۔ پولیس کے مطابق سی ویو روڈ کو کلاک ٹاور تک ون وے قرار دیا جائے گا اور کلاک ٹاور سے سی ویو کی جانب کسی بھی قسم کی ٹریفک کو واپس آنے کی اجازت نہیں ہوگی۔ ٹریفک پولیس کا کہنا ہے کہ واپسی کیلئے شہری کلاک ٹاور سے خیابانِ اتحاد روڈ یا دو دریا کا راستہ اختیار کر سکیں گے، تاکہ ٹریفک روانی برقرار رہے اور رش سے بچا جا سکے۔ انتظامیہ کے مطابق تمام ہیوی ٹریفک کو رات 2 بجے کے بعد شہر میں داخل ہونے کی اجازت دی جائے گی، جبکہ سائلنسر کے بغیر گاڑیوں اور موٹر سائیکل چلانے والوں کے خلاف سخت کارروائی عمل میں لائی جائے گی۔ مزید بتایا گیا ہے کہ غفلت اور لاپرواہی سے ڈرائیونگ کرنے والوں کے خلاف قانونی کارروائی کی جائے گی۔ ٹریفک پولیس نے شہریوں سے اپیل کی ہے کہ وہ قوانین کی پابندی کریں، تعاون کریں اور سالِ نو کو خوشگوار اور محفوظ بنائیں۔ [...] Read more...

2025؛ پاور ڈویژن کی کارکردگی رپورٹ، تاریخی ریلیف اور 3400 ارب کا بوجھ ختم

دسمبر 31, 20252025؛ پاور ڈویژن کی کارکردگی رپورٹ، تاریخی ریلیف اور 3400 ارب کا بوجھ ختم آئی پی پیز سے کامیاب مذاکرات کے ذریعے صارفین اور قومی خزانے پر بوجھ کم کیا گیا۔ ویب ڈیسک December 31, 2025 اسلام آباد: پاور ڈویژن نے سال 2025 کی کارکردگی رپورٹ جاری کردی جس میں بجلی کے شعبے میں کی گئی اصلاحات، صارفین کو دیے گئے ریلیف اور مالی نظم و ضبط کے نمایاں نتائج سامنے آئے ہیں۔ رپورٹ کے مطابق آئی پی پیز سے کامیاب مذاکرات کے ذریعے صارفین اور قومی خزانے پر مجموعی طور پر 3400 ارب روپے کا بوجھ ختم کیا گیا۔ پاور ڈویژن کے مطابق گھریلو صارفین کے لیے بجلی 35.8 روپے فی یونٹ جب کہ صنعتی صارفین کے لیے 68.16 روپے فی یونٹ تک سستی ہوچکی ہے۔ اسی طرح ناکارہ پاور پلانٹس کی بندش سے بجلی صارفین پر 7 ارب روپے کا اضافی بوجھ اتار دیا گیا۔ رپورٹ میں بتایا گیا کہ صنعتی اور زرعی صارفین کے لیے 98.22 روپے کا خصوصی پیکج متعارف کروایا گیا جب کہ ساڑھے نو ہزار میگاواٹ کے غیر ضروری بجلی منصوبے ختم کرکے عوام کو ایک روپے فی یونٹ کا ریلیف فراہم کیا گیا۔ پاور ڈویژن کا کہنا ہے کہ بغیر کسی نئے قرض کے گردشی قرضے میں 780 ارب روپے کی کمی لائی گئی جب کہ بجلی بلوں میں پی ٹی وی فیس کی مد میں وصول کیے جانے والے 35 روپے بھی ختم کردیے گئے۔ سال 2025 میں تین بجلی تقسیم کار کمپنیوں (ڈسکوز) کی نجکاری کا آغاز کیا گیا جب کہ الیکٹرک وہیکل چارجنگ اسٹیشنز کے ٹیرف میں 44 فیصد کمی کی گئی۔ سیلاب سے متاثرہ علاقوں میں بجلی بل معاف اور ادائیگیوں میں خصوصی رعایت بھی دی گئی۔ رپورٹ کے مطابق اپنا میٹر، اپنی ریڈنگ ایپ کے ذریعے میٹر ریڈنگ کا اختیار براہِ راست صارفین کو دیا گیا جب کہ 118 ہیلپ لائن کے آغاز سے سفارشی کلچر کا خاتمہ اور عوام کے ساتھ یکساں سلوک ممکن بنایا گیا۔ مسابقتی اور شفاف بولی کے باعث اسمارٹ میٹرز کی قیمتوں میں 40 فیصد کمی آئی جس سے خریداروں کو سالانہ 100 ارب روپے سے زائد کا فائدہ متوقع ہے۔ پاور ڈویژن کے مطابق ملک میں 55 فیصد ماحول دوست بجلی کی پیداوار کے ساتھ پاکستان خطے میں گرین انرجی کا لیڈر بن چکا ہے۔ حکام نے یقین دہانی کرائی ہے کہ آئندہ بھی عوام اور صنعتی صارفین کو بین الاقوامی معیار اور قیمت پر بجلی کی فراہمی جاری رکھی جائے گی۔ رپورٹ کے اختتام پر کہا گیا کہ ان شاء اللہ 2026 میں بھی بجلی کے شعبے میں بے مثال کارکردگی کا سفر جاری رہے گا۔ [...] Read more...

بنگلہ دیش کی سابق وزیرِاعظم خالدہ ضیا کی نماز جنازہ ادا، پاکستانی وفد بھی شریک

دسمبر 31, 2025ڈھاکہ: بنگلہ دیش کی سابق وزیرِاعظم اور ملک کی پہلی خاتون سربراہ حکومت خالدہ ضیا کی ڈھاکہ میں سرکاری سطح پر نمازِ جنازہ ادا کر دی گئی۔ غیر ملکی میڈیا کے مطابق بنگلہ دیش کی عبوری حکومت کے چیف ایڈوائزر محمد یونس بھی جنازہ گاہ میں موجود تھے، جبکہ بنگلہ دیش کے صدر محمد شہاب الدین بھی نمازِ جنازہ میں شرکت کے لیے پہنچے۔ وزیراعظم پاکستان شہباز شریف کی ہدایت پر اسپیکر قومی اسمبلی سردار ایاز صادق نے ڈھاکا میں نمازِ جنازہ میں پاکستان کی نمائندگی کی۔ نمازِ جنازہ ڈھاکا کے مانک میا ایونیو میں ادا کی گئی، جس کی امامت بیت المکرّم مسجد کے امام مفتی عبد المالک نے کی۔ ان کے جسدِ خاکی کو قومی پرچم میں لپٹی میت کے ساتھ جلوس کی صورت میں پارلیمنٹ ہاؤس کے قریب سے گزارا گیا۔ اس موقع پر فضا سوگوار رہی، قومی پرچم سرنگوں رہے اور سخت سیکیورٹی انتظامات کیے گئے۔ ان کی نمازہ جنازہ میں لاکھوں افراد نے شرکت کی، جنازے میں شریک افراد نے خالدہ ضیا کی تصاویر والے پرچم اٹھا رکھے تھے۔ اسپیکر سردار ایاز صادق نے بنگلہ دیش کی سابق وزیراعظم خالدہ ضیا کی رہائش گاہ کا دورہ بھی کیا، جہاں انہوں نے مرحومہ کے بیٹے طارق رحمان اور بیٹی سے ملاقات کی اور ان کے انتقال پر گہرے دکھ اور افسوس کا اظہار کیا۔ اس موقع پر اسپیکر نے کہا کہ دکھ اور رنج کی اس گھڑی میں حکومتِ پاکستان اور پاکستانی عوام آپ کے ساتھ کھڑے ہیں۔ مرحومہ خالدہ ضیا کے بیٹے اور بیٹی نے تعزیت اور نمازِ جنازہ میں شرکت پر اسپیکر سردار ایاز صادق کا شکریہ ادا کیا۔ بعد ازاں اسپیکر نے بنگلہ دیش کے نیشنل سیکیورٹی ایڈوائزر خلیل الرحمٰن اور مشیرِ قانون آصف نظرل سے بھی ملاقاتیں کیں، جن میں باہمی دلچسپی کے امور پر تبادلہ خیال کیا گیا۔ اسپیکر سردار ایاز صادق نے صدر اور وزیراعظم پاکستان کی جانب سے اظہارِ ہمدردی اور تعزیت کے پیغامات بھی بنگلہ دیشی قیادت تک پہنچائے۔ یاد رہے کہ خالدہ ضیا منگل کے روز طویل علالت کے بعد 80 برس کی عمر میں انتقال کر گئی تھیں۔ جنازے میں پاکستان کے اسپیکر قومی اسمبلی سردار ایاز صادق اور بھوٹان کے وزیرِ خارجہ لیونپو ڈی این دھنگیئل سمیت کئی غیر ملکی شخصیات نے شرکت کی۔ اس سے قبل خالدہ ضیا کا جسدِ خاکی ان کے بیٹے طارق رحمان کی رہائش گاہ لے جایا گیا، جہاں وہ قرآن خوانی کرتے نظر آئے۔ خالدہ ضیا کو ان کے شوہر اور سابق صدر ضیاءالرحمان کے پہلو میں سپردِ خاک کیا جائے گا، جو 1981 میں ایک قاتلانہ حملے میں جاں بحق ہوئے تھے۔ اسی واقعے کے بعد خالدہ ضیا ملکی سیاست میں نمایاں ہوئیں اور 20 سال بعد ہونے والے پہلے عام انتخابات میں بی این پی کی قیادت سنبھالی۔ ان کی سیاسی زندگی فوجی آمر جنرل حسین محمد ارشاد کے دور میں متنازع انتخابات کے بائیکاٹ، قید و نظر بندی اور شیخ حسینہ کے ساتھ طویل سیاسی کشمکش سے عبارت رہی۔ گزشتہ 16 برسوں میں وہ عوامی لیگ حکومت کے خلاف مزاحمت کی ایک بڑی علامت بن کر ابھریں۔ بی این پی کے مطابق خالدہ ضیا رواں سال فروری میں ہونے والے عام انتخابات میں حصہ لینے کا ارادہ رکھتی تھیں۔ پارٹی کی حالیہ فہرست کے مطابق وہ تین حلقوں سے انتخاب لڑنے والی تھیں۔ اگر بی این پی اقتدار میں واپس آئی تو امکان ہے کہ ان کے بیٹے طارق رحمان ملک کی قیادت سنبھالیں گے، جو 17 سال بعد گزشتہ ہفتے ہی لندن سے وطن واپس آئے ہیں۔ طارق رحمان نے والدہ کے انتقال پر کہا کہ ملک ایک ایسی رہنما سے محروم ہو گیا ہے جس نے بنگلہ دیش کے جمہوری خواب کو شکل دی۔ [...] Read more...

دنیا کا پہلا دانتوں کو ازخود صاف کرنے والا روبوٹ تیار

دسمبر 31, 2025دنیا کا پہلا دانتوں کو ازخود صاف کرنے والا روبوٹ تیار اس ٹوتھ برش کی سب سے خاص یہ ہے کہ یہ دانتوں کودونوں طرف سے ایک ساتھ صاف کرتا ہے ویب ڈیسک December 31, 2025 منہ کی صحت سے جڑی ہے آپ کی مجموعی صحت، یہی وجہ ہے کہ دانتوں کی صفائی کا خیال رکھنا انتہائی ضروری ہے۔ اسی بات کو مد نظر رکھتے ہوئے جاپانی سائنسدانوں نے جی ای این نامی دنیا کا پہلا اورل کیئر روبوٹ متعارف کرایا گیا ہےجو دانتوں کو ہر زاویہ سے صاف کرنے کی صلاحیت رکھتا ہے۔ دانتوں کی صفائی کے لیے اس ہائی ٹیک ٹوتھ برش کو صرف منہ میں لے کر دانتوں سے دبا کر رکھنے کی ضرورت ہے اس کے بعد یہ اپنا کام خود کرتا ہے اور محض ایک منٹ میں دانت کی صفائی کا کام مکمل کر لیتا ہے۔ اس حیرت انگیزروبوٹک ٹوتھ برش کو ویسیڈا یونیورسٹی کے روبوٹکس لیبارٹری کی تیار کردہ ٹیکنالوجی کا استعمال کرتے ہوئے بنایا گیا ہے۔ یہ بھی پڑھیں: کنگ فو میں مہارت رکھنے والا حیرت انگیز روبوٹ تیار اس ٹوتھ برش کی سب سے خاص یہ ہے کہ یہ دانتوں کودونوں طرف سے ایک ساتھ صاف کرتا ہے، اس میں متعدد چھوٹے برش ہیڈز نصب ہیں جو اوپر، نیچے، بائیں اور دائیں حرکت کرتے ہیں، اور غیر متوازن برشنگ کو کم کرنے میں مدد فراہم کرتا ہے، جو عام طور پر ہاتھ سے برش کرنے میں ہوتا ہے۔ جی ای این کا وزن 220 گرام ہے، جبکہ یو ایس بی ٹائپ سی چارجنگ کو سپورٹ کرتا ہے، اس میں مختلف آپریٹنگ موڈز دیے گئے ہیں جیسے ایزی، کیرفل، اسپیشل کیئر اور چلڈرن جسے لوگ اپنی سہولت کے مطابق استعمال کر سکتے ہیں۔ جی ای این اس وقت کراؤڈ فنڈنگ کی مرحلے میں ہے اور اپنے ہدف سے چار گنا زیادہ فنڈنگ حاصل کرچکا ہے، جبکہ آپ اسے 31,042 ین 199 امریکی ڈالر کی رعایتی قیمت پر آرڈر کر سکتے ہیں۔ اگرچہ اس روبوٹک ٹوتھ برش کو ابتدائی طور پر ان لوگوں کے لیے بنایا گیا تھا جنہیں جسمانی مشکلات کی وجہ سے دستی ٹوتھ برش استعمال کرنے میں مشکل ہوتی ہے، لیکن جی ای این نے عوامی دلچسپی بھی حاصل کی ہے، جن میں سے بڑی تعداد وہ لوگ ہیں جو ہاتھ سے دانت صاف کرنا پسند نہیں کرتے۔ [...] Read more...

نادرا کا موبائل ایپ اور چہرے کی شناخت کے ذریعے تصدیق کی نئی سہولت کا آغاز

دسمبر 31, 2025نادرا کا موبائل ایپ اور چہرے کی شناخت کے ذریعے تصدیق کی نئی سہولت کا آغاز اس سہولت سے بزرگوں یا طبی مسائل کے باعث شہریوں کو فنگرپرنٹس کی تصدیق میں دشواری کا مسئلہ ختم ہوجائے گا ویب ڈیسک December 31, 2025 اسلام آباد: نادرا کی جانب سے موبائل ایپ اور چہرے کی شناخت پر مبنی بائیومیٹرک تصدیقی سہولت کا آغازکر دیا گیا ہے۔ اس سہولت سے بزرگوں یا طبی مسائل کے باعث شہریوں کو فنگرپرنٹس کی تصدیق میں دشواری کا مسئلہ ختم ہوجائے گا۔ ترجمان کے مطابق وزیراعظم اور وزیر داخلہ کی ہدایت پر نادرا نے کئی اقدامات کیے ہیں، جن کے تحت قومی شناختی کارڈ قوانین میں ترمیم کے ذریعے بائیومیٹرک کی تعریف وسیع کر دی گئی ہے اور پاک آئی ڈی موبائل ایپ پر چہرے کی شناخت سے بائیومیٹرک تصدیق کی سہولت دی گئی ہے۔ پاک آئی موبائل ایپ پر چہرے کی شناخت سے بائیومیٹرک تصدیق کی سہولت دی گئی ہے،20 جنوری سے تمام نادرا مراکز میں چہرے کی شناخت پر مبنی بائیومیٹرک تصدیقی سرٹیفکیٹ کا اجراء ہو گا، جبکہ شہری ضرورت پڑنے پر معمولی فیس کے عوض سرٹیفکیٹ حاصل کر سکیں گے۔ یہ بھی پڑھیں: آن لائن شناختی کارڈ کیسے بنایاجائے؟ نادرا نے موبائل ایپ متعارف کروا دی فنگر پرنٹس کی تصدیق نہ ہونے پر شہری قریبی نادرا رجسٹریشن مرکز جائے گا، چہرے کی شناخت کی کارروائی مکمل ہونے پر نادرا ایک سرٹیفکیٹ جاری کرے گا، اس پر تصویر، شناختی کارڈ نمبر، نام، ولدیت، منفرد ٹریکنگ آئی ڈی اور کیو آر کوڈ ہوگا، جبکہ یہ سرٹیفکیٹ سات دن کے لیے قابلِ استعمال ہوگا۔ واضح رہے کہ نادرا اس نظام کے نفاذ کے لیے مکمل طور پر تیار ہے، جبکہ متعلقہ سرکاری و نجی اداروں سے ضروری اقدامات کی درخواست کر دی گئی۔ 20 جنوری کے بعد اس سہولت کی دستیابی سے متعلق شکایت پر متعلقہ ادارے یا محکمے کو شکایت کی جاسکے گی، جبکہ ڈیجیٹل آئی ڈی کے اجرا کے بعد یہ سہولت پاک آئی ڈی موبائل ایپ پر بھی دستیاب ہو گی۔ [...] Read more...

وینزویلا میں امریکی مداخلت، روس کو نقصان کے بجائے فائدہ ہونے کا امکان

دسمبر 31, 2025وینزویلا میں امریکی مداخلت، روس کو نقصان کے بجائے فائدہ ہونے کا امکان وینزویلا پر امریکی دباؤ روس کو لاطینی امریکا میں اپنا اثر و رسوخ بڑھانے کا موقع دے سکتا ہے۔ ویب ڈیسک December 31, 2025 ماسکو: تجزیہ کاروں کا کہنا ہے کہ وینزویلا کے خلاف امریکا کی ممکنہ مداخلت روس کے لیے نقصان دہ ہونے کے بجائے فائدہ مند ثابت ہو سکتی ہے۔ ماہرین کے مطابق واشنگٹن کی جانب سے کاراکاس پر دباؤ دراصل ایک وسیع تر عالمی حکمتِ عملی کا حصہ ہو سکتا ہے، جس کا مقصد ابھرتے ہوئے نئے عالمی نظام میں طاقتوں کی ازسرِ نو صف بندی ہے۔ رپورٹس کے مطابق امریکا کی جانب سے وینزویلا کے خلاف سخت اقدامات یا براہِ راست مداخلت روس کو یہ موقع فراہم کر سکتی ہے کہ وہ خود کو ایک متبادل عالمی طاقت کے طور پر مزید مضبوط کرے، خاص طور پر ان ممالک کے درمیان جو امریکی پالیسیوں سے نالاں ہیں۔ تجزیہ کاروں کا کہنا ہے کہ وینزویلا میں امریکی دباؤ روس کو لاطینی امریکا میں اپنے اثر و رسوخ کو بڑھانے، سفارتی حمایت حاصل کرنے اور عالمی سطح پر امریکا مخالف بیانیے کو تقویت دینے کا موقع دے سکتا ہے۔ اس کے علاوہ، روس توانائی، دفاع اور سیاسی تعاون کے ذریعے کاراکاس کے ساتھ اپنے تعلقات کو مزید مضبوط بنا سکتا ہے۔ ماہرین کے مطابق یہ صورتحال ایک ایسے نئے عالمی نظام کی جانب اشارہ کرتی ہے جہاں بڑی طاقتیں براہِ راست تصادم کے بجائے علاقائی تنازعات کو اپنے مفادات کے لیے استعمال کر رہی ہیں۔ وینزویلا میں امریکی اقدامات بھی اسی عالمی طاقتوں کی کشمکش کا حصہ سمجھے جا رہے ہیں۔ تجزیہ نگاروں کا کہنا ہے کہ اگر امریکا نے وینزویلا کے خلاف جارحانہ پالیسی اپنائی تو اس کے نتائج صرف خطے تک محدود نہیں رہیں گے بلکہ عالمی سیاست میں روس کے کردار کو مزید مضبوط کر سکتے ہیں، جس سے طاقت کے عالمی توازن میں نمایاں تبدیلی آ سکتی ہے۔ [...] Read more...

سال نوکا آغاز؛ معروف سرچ انجن گوگل کا ڈوڈل بھی تبدیل

دسمبر 31, 2025سال نوکا آغاز؛ معروف سرچ انجن گوگل کا ڈوڈل بھی تبدیل سرچ انجن گوگل کی جانب سے سال 2001 میں سالِ نو کا پہلا ڈوڈل جاری کیا گیا تھا۔ ویب ڈیسک December 31, 2025 گوگل نے سال نو کو منفرد انداز میں خوش آمدید کرتے ہوئے اپنا خصوصی ڈوڈل جاری کردیا۔ اور یہ ڈوڈل عموماً آتش بازی، روشنیوں، اور “Happy New Year” کے پیغامات پر مشتمل ہوتا ہے، جس میں پرانے سال کو الوداع اور نئے سال کو خوش آمدید کہا جاتا ہے، جیسا کہ سال 2025 کے آغاز پر بھی گوگل نے یہ ڈوڈل جاری کیا تھا۔ گوگل نے رواں برس بھی اپنی روایت برقرار رکھتے ہوئے نئے سال کی آمد پر ڈوڈل کو تبدیل کردیا ہے، گوگل نے اس بار ڈوڈل میں سنہرے رنگ کا استعمال کیا ہے اور ایک کینڈی سے 2026 کا بلون نکلتا دکھائی دیتا ہے، جس سے گوگل بہت ہی خوبصورت منظر پیش کر رہا ہے۔ یہ بھی پڑھیں: پاکستانیوں نے رواں برس گوگل پر سب سے زیادہ کن شخصیات کو سرچ کیا؟ واضح رہے کہ سرچ انجن گوگل کی جانب سے سال 2001 میں سالِ نو کا پہلا ڈوڈل جاری کیا گیا تھا۔ گوگل نے ڈوڈل جاری کرنے کا آغاز 2 دہائیاں قبل ہی شروع کیا تھا جبکہ گوگل کا آغاز 1998 میں ہوا تھا اور اسے دنیا کی سب سے بڑی سرچ انجن اور انٹرنیٹ کمپنی کا اعزاز حاصل ہے۔ [...] Read more...

سکیورٹی کونسل کے ارکان کی صومالی لینڈ کو تسلیم کرنے کی مذمت

دسمبر 31, 2025سکیورٹی کونسل کے ارکان کی صومالی لینڈ کو تسلیم کرنے کی مذمت سلامتی کونسل کے 15 میں سے 14 ارکان نے صومالی لینڈ کو خودمختار ریاست تسلیم کرنے کے اقدام کی سخت مذمت کی ویب ڈیسک December 30, 2025 نیو یارک: اقوام متحدہ کی سلامتی کونسل (UNSC) نے اسرائیل کی جانب سے صومالی لینڈ کو خودمختار ریاست تسلیم کرنے کی سخت مذمت کی ہے۔ غیر ملکی میڈیا کے مطابق سلامتی کونسل کے 15 میں سے 14 ارکان نے اسرائیل کی جانب سے صومالی لینڈ کو خودمختار ریاست کے طور پر تسلیم کرنے کے اقدام کی سخت مذمت کی ہے، جبکہ صرف امریکہ نے اس اقدام کی مذمت نہیں کی۔ اس ہنگامی اجلاس میں، صومالیہ کے اقوام متحدہ میں سفیر ابو بکر داہر عثمان نے کہا کہ یہ اقدام نہ صرف صومالیہ کو ٹکڑوں میں تقسیم کرنے کا خطرہ ہے بلکہ پورے ہارن آف افریقہ اور ریڈ سی کے خطے میں امن و استحکام کو بھی خطرے میں ڈال سکتا ہے۔ عثمان نے زور دیا کہ اسرائیل کی یہ پہل فلسطینی عوام کو زبردستی شمال مغربی صومالیہ میں منتقل کرنے کی منصوبہ بندی کا حصہ ہو سکتی ہے۔ اس ہنگامی اجلاس کو اس وقت طلب کیا گیا جب اسرائیل نے پچھلے ہفتے صومالی لینڈ کو پہلی اور واحد ریاست کے طور پر تسلیم کیا۔ امریکی نائب نمائندہ ٹیمنی بروس نے کہا کہ اسرائیل کو کسی بھی خودمختار ملک کی طرح سفارتی تعلقات قائم کرنے کا حق ہے، لیکن امریکہ نے صومالی لینڈ کو تسلیم کرنے کا اعلان نہیں کیا اور اپنی پالیسی میں کوئی تبدیلی نہیں کی۔ اسرائیل کے نائب سفیر جاناتھن میلر نے کہا کہ یہ اقدام صومالیہ کے خلاف جارحانہ قدم نہیں بلکہ مذاکرات کے لیے موقع ہے۔ عرب لیگ، پاکستان، چین، اور برطانیہ سمیت کئی ممالک نے اسرائیل کے اس اقدام پر شدید تشویش کا اظہار کیا اور کہا کہ یہ فلسطینی عوام کی زبردستی منتقلی یا شمالی صومالی بندرگاہوں پر فوجی اڈے قائم کرنے کے لیے استعمال ہو سکتا ہے۔ یاد رہے کہ صومالی لینڈ نے 1991 میں صومالیہ سے علیحدگی اختیار کی تھی، اور اس کے بعد سے یہ اپنے آپ کو خودمختار ریاست قرار دیتا ہے۔ [...] Read more...

سونے کی قمیت میں بڑی کمی، فی تولہ کہاں تک پہنچا

دسمبر 31, 2025سونے کی قیمت میں بڑی کمی، فی تولہ کہاں تک پہنچا عالمی صرافہ بازار میں فی اونس سونا 107 ڈالرز کم ہوکر 4371 ڈالر ہوگیا کفیل احمد December 30, 2025 ملک بھر میں سونے کی قیمت میں آج بھی بڑی کمی ریکارڈ کیا گیا ہے، جس کے بعد فی تولہ سونا کئی ہزار روپے سستا ہوگیا۔ آل پاکستان صرافہ جیمز ایند جیولرز ایسوسی ایشن کے مطابق پاکستان میں ایک تولہ سونا 10 ہزار 7 سو روپے کی بڑی کمی کے بعد 4 لاکھ 59 ہزار 462 روپے کا ہوگیا، اسی طرح دس گرام سونے کی قیمت میں 9174 روپے کی بڑی کمی سے3 لاکھ 93 ہزار 914 روپے کا ہوگئی۔ یہ بھی پڑھیں:رواں برس 9 ماہ کے دوران سونے کی فی تولہ قیمت کہاں تک پہنچی؟ جانیے عالمی صرافہ بازار میں فی اونس سونا 107 ڈالرز کم ہوکر 4371 ڈالر ہوگیا۔ [...] Read more...

بیونسے ارب پتیوں کی فہرست میں شامل ہونے والی پانچویں موسیقار بن گئیں

دسمبر 31, 2025بیونسے ارب پتیوں کی فہرست میں شامل ہونے والی پانچویں موسیقار بن گئیں ماہرین کے مطابق، 2025 میں بیونسے کی مجموعی دولت 1 ارب ڈالر سے تجاوز کر چکی ہے ویب ڈیسک December 30, 2025 معروف امریکی پاپ گلوکارہ بیونسے نولز کارٹر ارب پتیوں کی فہرست میں شامل ہو گئیں ہیں۔ فوربز میگزین کی تازہ رپورٹ کے مطابق، بیونسے نے ایک اور بڑی کامیابی حاصل کرتے ہوئے امیر ترین موسیقاروں کی فہرست میں اپنی جگہ بنا لی ہے۔ بیونسے، جو دنیا بھر میں ’’کوئین ب‘‘کے نام سے جانی جاتی ہیں، اب ارب پتی شخصیات کی صف میں شامل ہو چکی ہیں۔ وہ اس فہرست میں شامل ہونے والی پانچویں موسیقار ہیں، اس سے قبل بروس اسپرنگسٹین، ریحانہ، ٹیلر سوئفٹ اور جے زیڈ بھی اس فہرست میں شامل ہو چکے ہیں۔ یہ بھی پڑھیں: بیونسے کے نام ایک اور بڑا اعزاز 44 سالہ گلوکارہ نے 2025 میں اپنی کامیاب’’کاؤ بوائے کارٹر‘‘ ٹور مکمل کیا، جس سے 407 ملین ڈالر کی ریکارڈ کمائی ہوئی۔ یہ ٹور ان کے 2024 میں ریلیز ہونے والے میگا ہٹ اسٹوڈیو البم ’’کاؤ بوائے کارٹر‘‘ کے بعد شروع کیا گیا تھا، جسے عالمی سطح پر بے پناہ پذیرائی حاصل ہوئی تھی۔ ماہرین کے مطابق، 2025 میں بیونسے کی مجموعی دولت 1 ارب ڈالر سے تجاوز کر چکی ہے۔ اس کی بڑی وجہ ٹورنگ، میوزک کیٹلاگ رائلٹیز اور اشتہاری معاہدوں سے حاصل ہونے والی 148 ملین ڈالر سے زائد کی آمدن شامل ہے۔ [...] Read more...

دنیا کی سب سے طویل زیپ لائن تیار

دسمبر 30, 2025دنیا کی سب سے طویل زیپ لائن تیار دنیا کی سب سے طویل زیپ لائن پر سوار ہونے کی قیمت 1800 رین تقریباً 100 امریکی ڈالرہے ویب ڈیسک December 30, 2025 دنیا کی سب سے طویل 2 میل لمبی زیپ لائن تیارجس پر سفر کی رفتار93 میل فی گھنٹہ ہے۔ جنوبی افریقہ کے ویسٹرن کیپ کے اووربیرگ پہاڑوں میں کے تھری کو دنیا کی سب سے طویل زیپ لائن کا ریکارڈ حاصل ہے جو 3.2 کلومیٹر (2 میل) طویل ہے۔ زیپ لائن پلی سے جڑی ایک کیبل ہوتی ہے جو دو اونچے مقامات کے درمیان لگائی جاتی ہے یہ عموماً اسٹینلیس اسٹیل سے بنی ہوتی ہے۔ اس کا مقصد کسی شخص یا سامان کو کششِ ثقل کی مدد سے نیچے کی طرف پہنچانا ہوتا ہے، زیپ لائن کا استعمال تفریح، نقل و حمل یا لاجسٹکس کے لیے کیا جاتا ہے۔ یہ لائن دنیا کے سب سے بلند زیپ لائن پروجیکٹس میں سے ایک ہے جسے 2024 میں کے تھری کو ایس اے فارسٹ ایڈونچرز اور موسیل بے زیپ لائن کے مشترکہ منصوبے کے طور پر شروع کیا گیا۔ اس کی تیاری میں چھ سال کا وقت لگا، جس میں منصوبہ بندی، منظوریوں اور تنصیب کا عمل شامل تھا۔ یہ بھی پڑھیں: الینوائے کے نوجوان نے ٹوتھ پکس سے ایفل ٹاور بنا کرعالمی اعزاز اپنے نام کر لیا اب ویسٹرن کیپ میں دنیا کی سب سے سنسنی خیز زیپ لائن موجود ہے، جو لوگوں کو اووربیرگ پہاڑوں میں 120 کلومیٹر فی گھنٹہ (150 کلومیٹر فی گھنٹہ تک، وزن اور موسم کی حالت کے مطابق) کی رفتار سے سفر کی اجازت دیتی ہے۔ زیپ لائن پر سوار ہونے کے دوران ابتدائی طور پر رفتار دھیرے دھیرے بڑھتی ہے، لیکن کچھ ہی دیر میں رفتار تیز ہو جاتی ہے اور درخت اور پہاڑی منظر دھندلے نظر آنے لگتے ہیں۔ زیپ لائن اس طرح ڈیزائن کی گئی ہے کہ اختتام کے قریب آتے ہی رفتار خود بخود کم ہو جاتی ہے اور وہاں اسٹاف کا ایک رکن سوار کو محفوظ طریقے سے نیچے اُترنے میں مدد دیتا ہے۔ دنیا کی سب سے طویل زیپ لائن پر سوار ہونے کی قیمت 1800 رین (تقریباً 100 امریکی ڈالر) ہے، لیکن اس کے لیے کچھ شرائط ہیں۔ زیب لائن استعمال کرنے کا وزن کم از کم 40 کلوگرام، جبکہ زیادہ سے زیادہ 120 کلوگرام ہونا چاہیے، اس کے علاوہ وہ مکمل طور پر ہوش میں ہونے کے ساتھ، کسی جسمانی معذوری یا دل کے مرض میں مبتلا نہیں ہونا چاہیے۔ دلچسپ بات یہ ہے کہ ایس اے فارسٹ ایڈونچرز اس وقت 5 کلومیٹر طویل زیپ لائن پر کام کر رہی ہے تاکہ یہ دنیا کی سب سے طویل زیپ لائن کا اعزاز برقرار رکھ سکے۔ [...] Read more...

گذشتہ 10 سالوں میں حمل کے دوران شوگر کے مرض میں خطرناک اضافہ

دسمبر 30, 2025گذشتہ 10 سالوں میں حمل کے دوران شوگر کے مرض میں خطرناک اضافہ حمل کے دوران شوگر کے مرض میں خطرناک اضافہ اس بات کا ثبوت ہے کہ موجودہ حفاظتی اقدامات مؤثر ثابت نہیں ہو رہے۔ ویب ڈیسک December 30, 2025 امریکا میں حمل کے دوران لاحق ہونے والی شوگر کی بیماری میں گزشتہ ایک دہائی کے دوران تشویشناک حد تک اضافہ ریکارڈ کیا گیا ہے۔ ایک نئی تحقیق کے مطابق سن 2016 سے 2024 کے درمیان اس بیماری کے کیسز میں مجموعی طور پر 36 فیصد اضافہ ہوا ہے جو اس بات کا ثبوت ہے کہ موجودہ حفاظتی اقدامات مؤثر ثابت نہیں ہو رہے۔ یہ تحقیق نارتھ ویسٹرن یونیورسٹی کے ماہرین نے کی جس میں تقریباً ایک کروڑ تیس لاکھ ایسی خواتین کے اعداد و شمار کا جائزہ لیا گیا جن کے ہاں پہلی بار ایک بچے کی پیدائش ہوئی۔ اس تحقیق کو ماضی کے مطالعات کے ساتھ ملاکر دیکھا جائے تو معلوم ہوتا ہے کہ یہ مسئلہ گزشتہ پندرہ برس سے مسلسل بڑھ رہا ہے۔ ماہرین کے مطابق حمل کے دوران نال سے خارج ہونے والے کیمیائی مادے بعض اوقات جسم میں شوگر کو قابو میں رکھنے والے ہارمون کے خلاف مزاحمت پیدا کردیتے ہیں۔ جب جسم اس کمی کو پورا نہیں کر پاتا تو حمل کے دوران شوگر کی بیماری پیدا ہوجاتی ہے جس کے اثرات ماں اور بچے دونوں کی صحت پر پڑسکتے ہیں۔ اس بیماری کے نتیجے میں بچے کا وزن غیر معمولی حد تک بڑھ سکتا ہے، زچگی کے دوران پیچیدگیاں پیدا ہوسکتی ہیں اور مستقبل میں ماں اور بچے دونوں میں مستقل شوگر کے مرض کا خطرہ بڑھ جاتا ہے۔ تحقیق کے مطابق یہ اضافہ تمام نسلی گروہوں میں دیکھا گیا تاہم مقامی امریکی، الاسکا کے رہائشی، ایشیائی اور بحرالکاہلی جزائر سے تعلق رکھنے والی خواتین میں یہ شرح خاصی زیادہ رہی۔ سن 2024 میں ہر ہزار پیدائشوں میں 137 مقامی امریکی خواتین اس مرض میں مبتلا پائی گئیں۔ ماہرین کا کہنا ہے کہ اس فرق کی وجوہات میں طرزِ زندگی، طبی سہولیات تک رسائی، معاشرتی دباؤ اور صحت کے نظام میں امتیازی رویے شامل ہوسکتے ہیں۔ تحقیق کرنے والوں نے زور دیا ہے کہ حمل سے پہلے اور دوران خواتین کی صحت پر فوری توجہ دی جائے تاکہ آنے والی نسلوں کو اس بڑھتے ہوئے خطرے سے بچایا جاسکے۔ [...] Read more...